Uppsláttur í fullum gangi við ræsið yfir Gilsá

Uppsláttur er nú í fullum gangi á ræsinu yfir Gilsá, sem er partur af leiðinni yfir Skjöldólfsstaðahnjúk. Á meðfylgjandi mynd sést Benni Óla, stjórnarformaður, eins og hann gerist AL-bestur. Sé myndin grannskoðuð er erfitt að efast um að unnið hafi verið af krafti við grautunina fyrir bergfesturnar.

Verkið gengur annars mjög vel og er á áætlun, bæði fjárhags-og tímalega séð.

Nú er unnið af fullum krafti við keyrslu neðra burðarlags í vegstæðið, þar sem búið er að fylla og er það langt komið. Lítið er eftir af skeringum en þó nokkuð af fyllingum, sérstaklega þá í kringum Gilsána.